Claude – Lærðu að búa til lausnir

Námskeiðið sýnir hvernig þú getur látið Claude vinna með skjöl og verkefni og síðan smíðað og prófað einfalda vefsíðu í Claude Code. Dæmið Kaffihár fylgir efninu: þú vinnur með minnispunkta, mótar lýsingu og gætir þess að upplýsingar sem vantar séu ekki settar fram sem staðreyndir. Þú kynnist grunnatriðum HTML, CSS og JavaScript, áætlunum, leyfum, prófunum og lagfæringum. Síðar er farið yfir minnisreglur, færni, viðbætur og hönnun. Að lokum eru skoðuð regluleg og stærri verk, vistunarpunktar og yfirferð áður en efni er birt.
Fyrir hverja
Námskeiðið er ætlað fólki sem forritar ekki en vill nota Claude til að vinna með skjöl og verkefni eða búa til einfalda vefsíðu. Það hentar þeim sem þurfa að afmarka verkefni, fara yfir skjöl og útkomu og meta hvort niðurstaða samsvari beiðninni. Einnig er fjallað um hvernig þú prófar vefsíðu í síma og tölvu, lýsir mistökum og biður um lagfæringar, vinnur með útlit eða setur upp verk sem keyra reglulega. Námskeiðið sýnir hvernig hægt er að stýra vinnunni með áætlunum, leyfum og eigin yfirferð.
Hvað lærir þú
•    Afmarka beiðni með markmiði, efni, mörkum og skýrum prófunarskilyrðum.
•    Láta Claude vinna með skjöl og verkefnaskrár og sannreyna að efnið byggist á gefnum upplýsingum.
•    Útskýra hlutverk HTML, CSS og JavaScript og þekkja helstu hugtök sem birtast við smíði vefsíðu.
•    Velja vinnumöppu, leyfisstillingu og aðgang að tengingum út frá verkefninu.
•    Prófa vefsíðu í síma og tölvu, lýsa frávikum skýrt og biðja um afmarkaðar lagfæringar.
•    Skrá varanlegar verkefnisreglur í Claude.md og greina þær frá færni og viðbótum.
•    Vista útgáfur með Git og fara yfir staðreyndir, upplýsingar og efni áður en því er deilt.
•    Setja upp reglulegt verk með afmörkuðum gögnum, breytingaheimildum og skýrslu um niðurstöðu.
Fræðsluþættir
•    AI - Gervigreind